同時孭兩套新劇　胡諾言拍李居明新片嗌感恩

藝人胡諾言（胡仔）日前為風水大師李居明新片開工，化身「郭靖」於公園耍六套拳法，由於拍攝時間僅得半小時，故胡仔於武指指導下急急學習拳法，幸本身有運動底，筋骨非常靈活，所以最終也能於限定時間內完成，他說：「呢個時勢有得拍電影，賺吓外快，感恩。今次又可以同好朋友江美儀一齊拍，除咗古装造型，仲有另一個時裝跑步Look，拍戲之餘順便跑步，好開心。」而忙於拍攝劇集《隱形戰隊》及《有種好男人》的他，表示兩劇角色不同，不擔心會混淆：「《隱》劇演紀律部隊，每日都要孭住幾十磅走來走去，收工似做完運動咁，另一套《有》劇就舒服得多，暫時都係拍同李佳芯嘅查案戲份，記得開工第一日，我叫佢睇住我，點知佢叫我唔好玩，仲叫番我師兄添！」