Edan黐鬚搵大鵰　扮James Harden變丐幫幫主？

人氣男團MIRROR成員Edan（呂爵安）大忙人，經常忙到連覺都冇得瞓，要唱歌又要拍劇，仲要錄影綜藝節目《膠戰2》，Edan在社交網上載拍攝《膠》節目，着住古裝服的他，整咗頭爆炸頭，仲要黐晒鬚，他留言：「其實我留鬚都幾有型呀，Call me James Har登」，黐咗鬚啫，就會變NBA超級巨星James Harden咩！

原來他們一班《膠》主持扮演搞笑版嘅「神鵰俠侶」，Edan自誇係靚仔丐幫幫主，他幽默地寫道：「我都知我唔似㗎啦，橫睇掂睇我都係做楊過啦，可惜比煨Sir（魏浚笙，Jeffrey）做咗，不過又真係好鬼靚仔嘅，要求下次我做楊過，Jeffrey做隻鵰。」Jeffrey秒回：「請你想我係細鵰定大鵰？」有粉絲即指他幾時學到壞過凱婷？兩人與網友的對話留言令人捧腹大笑。