前世情人︱單文柔孖囡囡嘢飲兩份分　陳展鵬呷醋

視帝陳展鵬與前港姐單文柔婚後育有一女「小豬比」，身為廿四孝爸爸嘅陳展鵬對「前世情人」囡囡錫到燶，不過近日佢竟然呷「小豬比」醋，佢喺社交網大晒一家三口嘅溫馨照片，見「小豬比」同單文柔一杯嘢飲兩份分，即令陳展鵬醋意大發，笑指：「豬比你點可以咁樣，我同你前世已經認識。」相當搞笑。

及後，佢再晒出另一張兩父女合照，見佢喺囡囡耳邊悄悄話，佢表示：「錫晒Mommy都好，不過要聽爹哋話喎ok唔ok？」至於單文柔亦好識做，立即氹番老公：「我嘅大寶貝，唔好呷醋啦，我哋飲完就會畀你。」