李幸倪與張學友合唱歌冇上榜:每個平台有自己取向
20211123
東網電視
更多新聞短片
歌手李幸倪(Gin Lee)到將軍澳電視城錄影《勁歌金曲》,身穿吊帶小背心的她表示首次現場跳唱《IDK》,現時每日都要練舞,問到下次表演都可會少布?她笑言:「好似都會,因為跳舞動態啲,同埋有個新形象畀大家。(使唔使特登keep fit?)呢排都好忙,瞓都冇時間,冇食嘢都自然瘦。」她又謂本身喜歡跳舞,但做好跳唱不容易:「因為有時跳舞動作會影響抖氣、發聲位,有時都好似練到走音,所以要練到好穩陣。」
而講到現時殺入「叱咤我最喜愛的女歌手」15強,她表示:「我都係聽粉絲講先知,因為呢排比較忙。」但講到她今年3首作品都在叱咤歌曲排行榜零上榜,包括與歌神張學友合唱的《日出時讓街燈安睡》,對此她想了一會兒坦言:「明白每個平台有自己嘅取向同政策,作為歌手都係做好本分。(有冇唔開心?)冇咩特別,可以同學友哥合作已好開心,係人生成就解鎖,好多歌迷都話聽到呢首歌好感動,有個入手術室前都聽呢首歌,我覺得更加重要,可以陪住佢哋已好意義重大。」