周家怡唔敢加戲咀馬國明　張寶兒爆被錫額頭戲遭刪剪

藝人周家怡及張寶兒到將軍澳電視城錄影節目《Sing空下的仁醫》，家怡表示劇集大結局後眾演員開直播，期間她大晒「標準」普通話，被大家取笑很「神奇」：「其實我本身有學嘅，有搵老師，都有跟app學，除咗普通話都有學英文，都想學法文。（想進軍國際？）希望啦，將抱負擺遠啲。」寶兒就被讚普通話很好，她表示都有跟老師學普通話，又讚家怡的普通話娛樂性有150分。

而講到劇集大結局時，得家怡和馬國明這對有咀戲，問到可是自己要求？她笑言：「我唔敢，驚畀靚湯（湯洛雯）鬧，不過劇本係咁去。」講到寶兒就沒有親熱戲，她自爆其實本身有場被羅子溢錫額頭戲，但最後被剪掉，家怡幫口解釋：「本身拍嚟做後備，之後再睇劇情適唔適合。」問到寶兒可是結婚後，老公袁偉豪唔畀她拍咀戲？她就笑言：「我都睇得佢多。」