菊梓喬呻吳卓羲冇記性：佢成日唔記得人生日

歌手菊梓喬（Hana）到將軍澳電視城錄影節目《Sing空下的仁醫》，講到明天（24日）過35歲生日，她透露會與幾位朋友去露營，但要視乎天氣，有機會轉行程，問到緋聞男友吳卓羲可有約她？她說：「冇喎。（唔開心？）唔會啦，佢成日都唔記得人生日。」自知講錯嘢的她即「補鑊」說：「因為佢好忙，所以都未必記得朋友生日，我呢啲小人物佢應該唔會記得。（提佢？）唔使啦。」講到生日願望，她希望身體健康，問到可想找個男朋友？她說：「唔強求，攰啦，想做嘢衝刺，最近多咗嘢做，都未停過。」

提到一眾《聲夢》新星被力捧，她謂樂壇需要有才華的人，開心樂壇百花齊放，亦不覺得他們是勁敵：「勁敵永遠都係自己，唔需要同人比較，每人都唔同，太多比較會唔開心，應該要去欣賞同學習人哋嘅好。」