易烊千璽新片獲陳哈琳驚喜助陣　想唔破票房紀錄都難

男團TFBOYS成員易烊千璽，近年升呢影壇票房靈丹，更連續兩年進佔福布斯中國名人榜第1位，其參演電影包括《少年的你》、《送你一朵小紅花》及《長津湖》套套大收，獲得「億烊千璽」美譽，更有望靠明年賀歲檔上映、由《我不是藥神》班底打造的《奇迹》「食胡」，將成為首位破百億人民幣票房的「00後」內地藝人。

今日（23日） 電影官方社交網正式宣布演員陣容，當中最令人驚喜嘅，就係戲中飾演易烊千璽妹妹嘅小演員陳哈琳，原來大有來頭，同「哥哥」易烊千璽甚有淵緣！其實易烊千璽曾於2017年亮相內地真人騷《放開我北鼻》第二季，負責擔任「奶爸」照顧小朋友，而哈琳正正喺當年嘅小朋友之一，當時易烊千璽更曾抱起哈琳，留下溫馨一幕，故今次2人能夠喺大銀幕「再續前緣」，即引起網民熱議，而「被易烊千璽抱着的小女孩長大了」話題亦登上熱搜，閱讀量高達1.2億。