張衞健內地節目爆粗照播出街　網友讚發揮出廣東話神髓

藝人吳鎮宇同張衞健最近參與內地綜藝節目《追光吧2》，兩人同聲同氣不時用廣東話交談，其中一幕張衞健爆粗，因節目組唔熟廣東話粗口，所以直接播出，不過網民反而讚健仔真性情，發揮出廣東話嘅神髓。

事緣張衞健準備出場時，四圍搵陰涼位置，鎮宇見狀即叫健仔脫下外套，仲好細心地幫他重新戴上無線咪，此時健仔爆了一句「好X厚」，意思是指件外套好厚，為了加強真係好厚，所以佢加埋個X字，而節目組打上字幕時，只是打了「好厚」，但句粗口就直接出了街。近年多了香港藝人北上拍真人騷，粗口播出街都唔係第一次，之前《披荊斬棘的哥哥》陳小春就試過。