悼念故友　容祖兒首唱新歌激動爆喊

天后容祖兒（Joey）相隔5年推出全新廣東專輯《薛丁格的貓》，佢不但搏到盡大影索爆宣傳照晒馬甲線，更將於今晚（24日）舉行線上專輯首唱會，而為咗幫首唱會造勢，佢就晒出新一輯嘅寫真靚相，又率先公開首唱會綵排片段，其中佢練習新歌《明天見》時，竟突然情緒失控激動爆喊！

佢透露原來新歌背後嘅故事非常動人：「明天見本為故友而創作，但經過時間的發酵，這首歌的對象由一位變成更多，讓更多的思念能留在歌聲裏。輪廓沒變，神態沒變，活躍於面前工作，繁忙但正面，朋友盛宴，自你飛得比較遠，快樂如像往年，獨欠一張笑臉。藍天空一片，迷惘你偶爾都少不免，期望你會遇上新朋友，在那邊。如你沒變，如我沒變，就算彼此明天見，無言但友善，還會夢見，是你清楚的笑臉，寄望雲上鳥兒，代我講聲再見。」