平安夜澳門開騷 梁漢文廣州騷飛售罄笑瞇瞇

20211124
東網電視
更多新聞短片
歌手梁漢文(Edmond)參加完內地真人騷《披荊斬棘的哥哥》之後人氣急升,挾「大灣區哥哥」之名帶挈佢商機無限,單拖出嚟開巡唱騷搵大錢。日前佢喺社交網度就話自己喺平安夜將喺澳門開音樂會:「因為呢次巡迴音樂會澳門站延後咗3次㗎啦,我嚟澳門呢度,就係同之前買咗飛嘅朋友舉行簽票會,見吓大家咁啦。」仲話澳門其實係第二站,第一站就喺本月26號舉行嘅廣州站,而廣州站嘅門票已經賣晒、售罄啦,所以好想講句多謝大家支持,睇佢個含笑樣,相信佢嘅演唱會長做長有,唔知佢又幾時可以返香港再開騷呢?