鍾嘉欣師奶Look街市格價　「影後」似足老公勁貼地

藝人鍾嘉欣最近於台慶劇《星空下的仁醫》嘅精湛演技獲得網民激讚力捧爭視后，現時於加拿大溫哥華專心家庭生活嘅佢，近日就被當地網民「野生捕獲」於街市出沒，一身「師奶」打扮，與昔日「嘉欣BB」女神形象截然不同，相當貼地。

相中見留有一頭凌亂厚實短髮嘅佢戴上頭箍，着上黑灰色格仔外套配牛仔褲，打扮極為中性化，淨睇背影真係甚有其脊醫老公Jeremy嘅影子。見佢手持環保袋，於燒味檔前格價，貫徹其慳妹本色，非常精打細算。網民都大讚嘉欣為咗一對仔女，甘願放下電視機前光鮮亮麗嘅形象，變身貼地「師奶仔」，母愛認真偉大。