吳若希狠批唱腔舊　陳展鵬紅館首獻唱嗌驚

藝人陳展鵬、吳若希（Jinny）及施匡翹到將軍澳電視城為《星光熠熠耀保良》綵排，Jinny表示疫情期間2年沒在紅館演出，十分期待。陳展鵬就表示首次在紅館獻唱，亦會與鋼琴大師劉詩昆及其徒弟合作：「都有啲驚，希望到時表演順利。（緊張？）興奮多啲。」他表示會獻唱《東方之珠》：「細個用口風琴吹過呢首歌，但就未唱過。（喺屋企練歌？）係呀，個女都聽到識唱『東方之珠』。」

Jinny又大讚陳展鵬：「以前聽佢啲歌唱腔有少少舊，但依家完全唔同晒，唱腔轉晒。」陳展鵬即表示：「咁同歌有關，同埋我都勤力練歌嘅。」Jinny亦表示會首次公開獻唱新歌《火和火柴》，笑言驚甩嘴：「因為歌詞好密。」