Non-stop打機8小時!蘇皓兒被嗌「廢青」勸搵工

2021年11月24日 19:03
東網電視
更多新聞短片
憑Fit爆身形、甜到漏面孔,被封為「宅男女神」的蘇皓兒(Chloe),最近接受同門師兄灰熊(蘇宸褕)挑戰,大玩「5秒定律女神版」,測試Chloe究竟係真女神還是假冒女神。遊戲開始前,灰熊大潑冷水表示:「以我認識嘅Chloe,反應有啲慢,我覺得5秒定律呢啲遊戲,對佢有少少難度,同埋我覺得佢會係一個假冒女神。」
不過遊戲過程中,Chloe展現美貌與智慧並重的一面,期間問到她「和伴侶共處時唔會做的3件事」,Chloe輕鬆答道:「剪指甲、撩鼻屎、𢱑腳趾」灰熊聞言即笑說:「呢啲嘢,女神一定唔會做,女神邊會撩鼻屎,女神係唔會放屁、啲牙亦唔會『攝』條菜。」而問到「3句最粗俗罵人的說話」,Chloe即說:「你好肥、你塊面好肥、你今日好水腫!」說話一出,身旁灰熊又笑言:「難聽過粗口!」不過綜合遊戲測試,灰熊指Chloe依然係有女神Feel,是真正女神。
為更了解女神另一面,灰熊不斷「追擊」Chloe,終於發現Chloe原來有鮮為人知的一面——打online game,Chloe透露:「最瘋狂試過一日打8個鐘,由凌晨12點打到朝早8點,嗰時會開咪同唔識嘅人打,啲人仲問我係咪住喺外國,因為我次次都係外國時間先上線,嗰時識咗一班網友一齊打機,每日都會打機同傾偈,佢哋覺得我冇工返,仲鼓勵我去搵工。嗰時我網名叫『頑皮仔』,所以啲網友勸我『頑皮仔,你去搵工啦,唔好做廢青』,不過我依家少咗打機。」灰熊笑言原來Chloe最麻甩一面,就是她的網名「頑皮仔」。