陳奕迅終於出山　久違舞台演出勁「身」痕

歌神陳奕迅（Eason）昨日（23日）為慈善「出山」，與香港共融樂團於會展演出音樂會，以白色西裝外套上陣嘅佢，於樂團伴奏下連續獻唱多首經典金曲，包括經典歌曲《Shall We Talk》、《今日》等，之後再聯同兒童合唱團，演出《每一個明天》，Eason嘅靚聲加埋小朋友嘅真摯演繹，令現場觀眾聽出耳油。

而有一段時間冇喺香港開騷嘅Eason，今次重踏香港舞台都表現得相當興奮，翻唱英國殿堂級搖滾樂隊披頭四（The Beatles）嘅歌曲《The Fool On The Hill》時，仲喺台上左右來回跑兼手舞足蹈，非常樂在其中。