張彥博寫新歌　邀伍樂城任監製

歌手張彥博與音樂人伍樂城（Ronald）今午（24日）現身歌唱活動，與小朋友唱聖誕歌。張彥博透露將會與伍樂城合作，他說：「自己寫咗首歌，搵咗Ronald幫手監製，同埋玩音樂咁耐但從未正式喺學院學過，希望佢指導下我可以增值一下，等自己可以有多啲新元素出嚟。」

Ronald則盛讚張彥博是一位有潛質的音樂人，他說：「佢根本係一個唱作人，唱歌之外又識好多唔同樂器，不過佢忙掛住拍戲之嘛，之前都交流過，佢好多想做嘅音樂，睇吓點協助佢去做，最近佢都交咗兩首歌，其中一首我覺得唔錯。（畀幾多分？）80分啦！畀啲壓力佢先，哈哈！」

張彥博笑稱對方畀面：「80分好畀面啦，其實我成日都覺得啲作品未如理想，衰啲講自己啲歌有啲雜亂無章，因為咁多年都冇唱片公司跟進，依家有個大師可以幫我修正一下，將我嘅風格帶出嚟，好期待。」Ronald笑稱他並非雜亂無章，只是種類太多，要專心鎖定一個方向去做：「情歌或勵志歌好適合佢。」