泳兒頻密生眼瘡 擔心要做手術

2021年11月24日 20:04
東網電視
更多新聞短片
歌手泳兒戴上黑超與曾樂彤到將軍澳電視城為《星光熠熠耀保良》綵排,泳兒自爆右眼生眼瘡,故不能化眼妝:「唔知點解近年時不時就生眼瘡,可能休息唔夠,呢排好夜瞓,尋晚都5點先瞓,依家有搽藥膏同暖敷,希望唔使做手術。」她又透露演出當晚會唱《荊棘海》,會與10幾個舞蹈員跳舞,又笑言最近看回第一首快歌MV,自嘲穿得太少布:「依家都可以露嘅,不過就係會若隱若現,型格性感。」
講到她之前擔任無綫《聲夢傳奇》導師,現就做ViuTV《全民造星IV》評判,問可擔心網民指她食兩家茶禮?她表示:「暫時都冇睇到。」又坦言有網民質疑他們評判Foul人的決定:「真係好難抉擇,我哋係睇佢當刻嘅表現,可能同網民睇嘅嘢有啲唔同,其實唔代表參賽者唔得,可能係適合個人發展多過做女團。」她亦坦言Foul人時自覺做了劊子手,感到內疚:「其實個個水準好高,我哋幾個評判揀人都有爭拗,希望有復活賽,亦希望呢個決定唔會影響佢哋之後嘅前途。」她亦直言睇好大熱Marf:「佢唱跳都得。(網民話佢係翻版炎明熹?)咁又唔似,都係齊陰啫,但兩個唔同風格,都期待成團,為樂壇帶嚟新景象。」