淺倉唯 靠惡搶風頭

2021年11月24日 22:00
東網電視
更多新聞短片
唯妹憑住演出「惡之女王」成功上位。(互聯網)
俗語有話「男人不壞,女人不愛」,其實壞女人一樣可以令男人傾心,而惡死嘅女人同樣會有男人鍾意,亦有唔少女藝人憑住演出邪惡角色而成功上位,近期人氣勁升嘅美人兒淺倉唯就係其中一位喇!
甜美可愛
相信唔少男士都有睇過《幪面超人》特攝片集系列,雖然大部分觀眾都係一心欣賞超人打倒壞人嘅英姿,但係相信唔少人都會同小弟一樣最愛睇女角色,佢哋由青春美少女演員飾演,當中更加有唔少後來走去拍寫真大騷誘人身段,好似大久保櫻子、小宮有紗等,而今日同大家見面嘅淺倉唯亦係其中一分子。
現年24歲嘅佢樣子天真可愛,面上稚氣未消,甜美度爆晒燈,笑起上嚟更加充滿陽光氣息,真係好得人鍾意!身材亦相當養眼,一來肌膚夠鮮嫩白滑,二來有前有後又纖巧,上圍一對D Cup美乳斤両十足,輕輕一夾就展露出深溝,實在太吸引喇!
惡之女王
唯妹唔係一開始就拍寫真,而係拍戲而廣為人所熟悉。講到佢嘅演藝事業,可以話係平地一聲雷!話說佢為咗讀大學由青森搬到東京居住,後來喺因緣際會下參加一個演員選拔活動,並且成功過關,繼而有份演出《幪面超人》50周年紀念系列《幪面超人REVICE》。
當中佢唔係做超人亦唔係做二打六,而係佢演出反派角色,就係邪惡組織「死亡之徒」嘅「惡之女王」阿奎萊拉,雖然演出集數唔多,但係其冶艷造型以及攝人魂魄嘅眼神極之吸睛,可以話搶盡風頭!唯妹打響名堂之後,好快就有雜誌搵佢拍水着寫真,作品推出之後令人氣再攀升,因為好多人都估唔到阿妹嘅身材如此吸睛呀!
淺倉唯近期密密為雜誌拍攝性感寫真,而佢就會將部分寫真照放到社交網同大家分享,想欣賞唯妹嘅鮮嫩胴體,就要多啲Click入去睇喇!
Profile
年齡:25歲
身高:5呎2吋
三圍:33D-23-33