錦繡南歌︱張兆輝做將軍威到攞艾美獎:幾辛苦都值得!

2021年11月24日 22:01
東網電視
更多新聞短片
藝人張兆輝於內地劇接劇人氣高企,去年他更在古裝劇《錦繡南歌》飾演李沁的將軍父親,睇得又打得而大受歡迎,近日劇集更衝出亞洲,榮獲第49屆國際艾美獎(International Emmy Award)「最佳電視連續劇」殊榮,氣勢如虹!張兆輝接受東網訪問,指對此喜訊感到高興,又表示非常欣賞劇本,笑言眼光獨到:「梗係為台前幕後開心啦,又為自己識揀劇本驕傲一下,因為我一年只拍1、2套劇,所以只會選擇自己喜歡的角色才拍。」
而講到拍劇時在炎夏仍要着上厚重戲服拍打戲,他就坦言再辛苦也是值得:「呢套古裝劇因為特別多打仗嘅戲,將軍啲衫又係膠衫,又厚又重。橫店的夏天特別熱,所以真係拍得好辛苦,其實有到觀眾嘅支持,套劇好睇,已經開心到好似攞獎一樣,幾辛苦都值得。」