周嘉洛「晒命」 JW恨飲陳豪咖啡

20211125
東網電視
更多新聞短片
歌手JW(王灝兒)於無綫新劇《青春本我》中飾演輔導心理學家,劇中因有感情挫拆,會有很「頽」的一面,後來經校長及好友扶她一把,透過幫助學生來幫自己。日前她於學校取景拍攝,說到離開校園生活多年,會否都想穿校服回憶一番時,她謂:「我都有啲Flash Back戲係着校服嘅,其實我覺得應該搵我做埋學生,佢哋低班我高班。(有冇反叛時期?)我以前好活躍,好鍾意表現自己。一開始讀女校,之後讀男女校。(係咪男女校開心啲?)我鍾意女校多啲,因為我覺得女校回憶好多,可能之後入男、女校我唔慣,所以冇咁開心,好似全部女仔自在啲。」
JW又透露之後會投入錄新歌,問會否再拍劇,她即謂:「我想㗎!我估唔到我咁鍾意演戲。(有冇乜嘢想做?)我乜都想試,我鍾意演嘅過程,唔好要我揀死一樣,我要唱歌、拍劇都做。以前冇得拍劇,我就只可揀唱歌,依家有機會拍劇,就唔好要我揀死一樣。」期間,她又自己沖咖啡,更指周嘉洛現時跟陳豪開劇,向她大晒「陳豪咖啡」,令她羨慕非常:「我都好鍾意陳豪,好想試吓!」