畀女友名分粉絲開綠燈 魏浚笙隨時封盤!

2021年11月25日 11:49
東網電視
更多新聞短片
藝人魏浚笙(Jeffrey)憑帥氣外表吸納大批粉絲,亦是品牌新寵,不少娛樂公司睇中其潛力,有意招攬旗下,英皇及寰亞曾分別送上片約及經理人合約,他卻擔心「失自由」,一直由女友Evelyn擔任經理人,直至最近終感到壓力爆煲,坦言會向現實低頭,短期內揭曉去向。談到簽約首要條件,Jeffrey認為最緊要溝通、彼此有共同目標、以及有適當自由度。
曾經200磅減到出血
被公認為帥哥的Jeffrey,與男團MIRROR人氣王姜濤都曾經是肥仔一族,他說:「不停為體重掙扎!成個小學都好肥,升中後有運動曾經瘦過,點知中五識咗女友又幸福肥,去到成200磅!最慘係為廣告試鏡,聽到有人話:『咁肥都上嚟?』」於是他以能人所不能的意志「變身」:「人哋減肥,一日最多16小時唔食嘢,我係朝早飲杯齋啡就開工,收工太夜又斷食,維持咗大約半年,連媽咪都好心痛。」結果壞了身子,幾乎每日流鼻血兼頭痛,最恐怖試過與朋友食火鍋後上磅,體重竟倒跌1kg:「後來唔再咁極端,同埋依家開始做gym,明白點樣先係健康地保持身形。」
Jeffrey形容自己蠢兼學嘢慢,從小到大未如想像般受異性歡迎:「都係長輩比較喜歡我,而我都鍾意大自己少少嘅『姐姐』,如果要我照顧『妹妹』似乎有啲困難。」而他當年經友人介紹認識女友Evelyn,對方放棄自己事業,成就他的事業,當談到結婚,他說:「我不嬲都想組織家庭。(有冇諗過隱瞞戀情?)我唔鍾意呃人,依家咩年代?點可以收埋一個人?我哋經歷咗好多,唔會輕易放棄,同埋我啲粉絲好接受。」
場地:Pier 1929@灣仔碼頭