單身Jessie J秘密佗B 開騷前不幸流產

2021年11月25日 12:08
東網電視
更多新聞短片
Jessie J宣布不幸流產。
目前單身的33歲英國女歌手Jessie J周三(24日)於洛杉磯開騷前幾小時,於社交網站上載她拿住驗孕棒的舊照,顯示她當時成功懷孕,可惜她宣布現已流產!
她用心碎符號開場,表示:「尋日朝早我同朋友笑住講,我點樣可以聽晚喺洛杉磯開騷忍住唔同觀眾講我有咗。但到咗尋日下晝,我已經好驚喺個騷崩潰……我照咗第3次超聲波,醫生話我聽個胎已經冇咗心跳。今朝我覺得我控制唔到自己情緒,我可能會後悔公開講咗,可能唔會。我真係唔知。」
她表示希望透過表演治癒情緒,雖然有人認為她應該取消演唱會,但她自言自少開始唱歌,是為令自己開心、滿足靈魂與進行自愛療程,現在也沒有改變。她又解釋為何沒有伴侶也要懷孕:「我決定自己要個BB。因為呢個係我一直以來嘅夢想,而人生苦短。懷孕本身係一個奇蹟,係一個我永遠唔會忘記嘅體驗,我知道我會再經歷。」
Jessie曾與美國男星Channing Tatum拍拖,他們於2018年開始關係,拉拉扯扯1年後分手,到2020年1月復合,直到同年4月分手。其後Jessie又與Max Pham拍拖,不過上月宣布兩人已經分手,結束7個月戀情。