帶老竇食肥妹Cake！謝嘉怡玩Cosplay網友心心眼

前港姐冠軍謝嘉怡（Lisa）份人一向夠「西」，依家愛玩拍片嘅佢差不多次次都帶埋Daddy出鏡，做佢定心丸，今次佢哋就做Foodie試朱古力蛋糕，當中Lisa就真係誠意十足，專登換上復古女侍應Look見人，查實佢係Cosplay緊當紅美劇《2 BROKE GIRLS》嘅侍應造型，真係睇到網友眼都唔眨，即使佢錫身扣足胸前嘅恤衫鈕，網友都照收貨，狂讚佢交足貨！

點解咁講，係因為今次佢終於都大晒苦練多時嘅中文Oral，好流利咁同老竇你一句我一句交流，唔再係佢講完英文，要爸爸用中文幫佢「補鑊」，佢仲要老竇陪佢一啖蛋糕一啖雪糕食「肥妹餐」，真係睇見都戥二人腰圍擔心呀！