林愷鈴譚旻萱惺惺相惜　唔介意同Edan錫錫？

藝人林愷鈴及譚旻萱（Mandy）出席活動，兩女表示之前工作見過，但今次就是首次近距離接觸，林愷鈴笑言：「我唔識同人打開話匣子，勁尷尬，係話題終結者。」而講到兩女之前都曾拍過人氣男團MIRROR成員Edan的MV，都是「E女郎」，兩女表示都有睇對方的演出，林愷鈴大讚對方穿校服感覺青春。

講到Mandy在MV內與Edan抱抱，問到如果錫錫得唔得？她笑言：「佢話事，大佬話事，我冇問題。（獻出螢幕初吻未？）未，留番之後。」林愷鈴亦表示：「Edan啲MV都會情緒化啲，故事行先。（如果錫錫得唔得？）做演員要專業，睇劇情、角色需要就做。（獻出螢幕初吻未？）未講得住。」