輪住生日 MC ANSONBEAN爭新人獎嗌平常心

2021年11月25日 14:02
東網電視
更多新聞短片
歌手MC(張天賦)及ANSONBEAN(陳毅燊)出席活動,講到MC打入「我最喜愛的男歌手」十強,他表示:「好開心,尋日睇到個Post,多謝大家支持。(有冇信心?)好多對手都好強,我平常心,但我睇好Edan,佢好多歌我都鍾意。(網民話你翻唱Edan嘅歌好聽過原唱?)各花入各眼,我哋唔同Style,可能咁啱嗰啲係我嘅fans啫。」講到兩位同是今年男新人,問到對獎項可有信心?ANSONBEAN表示:「平常心,有會開心,冇又唔會唔開心,但我睇好MC,好Enjoy佢啲歌。」MC亦謂平常心,自己都是喜歡音樂才做音樂:「唔係為攞獎,如果努力有成果兌換到獎項係最好,但冇我都唔會停止做音樂。」
而講到即將生日,MC表示:「近排忙到就嚟唔記得生日,唔想咁快踏入25歲,因為24歲好充實,想留耐少少。(點慶祝?)會同家人、朋友食飯。(生日願望想攞獎?)希望可以做多啲音樂,Keep住狀態,都覺得今年作為新人順利。」而日前21歲生日的ANSONBEAN就與家人、朋友食飯慶祝,正日就工作中度過,開會傾電影劇本,同事都有送上驚喜蛋糕,笑言:「食咗好多蛋糕,好彩冇肥。(生日願望?)希望音樂同電影作品都好。」要減肥的MC即笑言:「我唔敢食蛋糕,因為冇乜Quota,睇人哋食就開心。」