雞排妹「全裸」正面曝光　6秒短片即惹爭議

台灣藝人雞排妹（鄭家純）言行大膽就係人都知，早前佢已經試過全裸影寫真，仲親自Post上網任人睇，不過佢就堅守三點示露，都足已令一眾宅男爭住睇。估唔到佢已經打破「心理關口」，尋日（24日）佢就上載自己正面「全裸」嘅6秒短片，見佢腿張開兼冇遮冇掩咁影靚相，原來佢係為自己名下品牌影宣傳照，當日佢就着上肉色「任何仁」貼身「肉胎衣」，由於布料超緊身，即時將佢身材曲線展露無遺，第一眼望落去仲以為佢冇着衫，加上動作騎呢，即時吸引大批網友留言笑佢，話佢咁樣着毫無美感，睇唔到有咩創意等，不過佢都照單全收：「我覺得對肉胎衣沒有幽默感的人，生活應該過得很緊繃，你們辛苦了。」仲氹網友話自己籌備緊下年入行10周年紀念冊，叫大家期待吓，之後佢又自爆依家單物，會做好身材管理，唔會有幸福肥喎。