自知容易惹緋聞 李佳芯自度3招保護自己

20211125
東網電視
更多新聞短片
藝人李佳芯(Ali)中午出席商場聖誕活動,自言最喜歡親手做聖誕花圈作裝飾。她表示近日忙於拍攝無綫新劇《有種好男人》,聖誕當日也有機會拍劇度過:「預計拍到農曆年,順利嘅可以同屋企人過年。(冇得約人?)冇啦,每次入劇都係預即興,撞啱有假就即約邊個得閒囉,不過都要忙為套劇角色做功課。(冇人約你?)我諗唔敢約我喇,時間難就。(係咪怕傳緋聞嚇驚咗人?)呢樣係嚇親我,每次出街畀人影到又話有嘢,好彩我都少去社交活動,個人本身悶得滯。(有冇擔心啲緋聞嚇怕追求者?)我覺得真愛係唔會逃避嘅,哈哈。」她坦言從事演藝事業難結交朋友,甚或傾工作時若被拍到又會有很多揣測,她説:「或者要做多啲保護自己嘅功夫,例如叫助手一齊去,同避免同一架車,盡量行得正企得正,但人哋要寫都冇辦法。」
Ali覺得若想開始一段關係,作為男士應採取主動,自己則從未試過追人,問到聖誕願望是否想有個人陪?她笑言:「每個人都想嘅,搵個人陪有幾難,其實唔係有同冇,中唔中先最緊要,我唔介意等,等吓先啦。」她坦言沒有特定擇偶條件,只要雙方願意接受對方性格,能一同走下去一同成長,已是很難得,自言現時未覺有追求者。
快將迎接39歲生日的她,表示當晚也要拍劇:「有諗過度期,不過算啦度咗期到時冇人陪我食飯仲傷心,哈哈!寧願快啲拍晒好過啦。(蟲草大王有冇約你?)冇呀,其實嗰次係傾個慈善活動,嚟緊大家會知㗎喇,私底下冇乜見面。」