家明表哥！袁文傑攬攬毛舜筠再續「前緣」

藝人袁文傑近年憑《不懂撒嬌的女人》及《愛‧回家之開心速遞》等劇人氣急升，但其實佢早喺29年前已有一個角色深入民心，就係電影92年版《家有囍事》中嘅「家明表哥」，惟當時佢未有正面示人只騷出背脊，至多年後才揭出原來佢就係「家明表哥」嘅真身！近日佢就同「無雙表妹」毛舜筠相隔多年重聚兼同框合照，今次終於「還佢正面」，佢笑指：「家明表哥&無雙表妹，今次，家明唔使淨係見到個心口同『後尾枕』喇，多謝毛姐。」