升呢角逐視后!蔣家旻冇信心登頂:陪跑已經好開心

20211125
東網電視
更多新聞短片
蔣家旻今日(25日)在將軍澳電視城出席《萬千星輝賀台慶》祝捷會暨《萬千星輝頒獎典禮2021》公布提名名單。 去年奪得「飛躍進步女藝員」的她今年分別角逐「最佳女主角」、「最受歡迎電視女角色」及「最佳女配角」等獎項。
講到首次競逐「視后」,她表示:「冇信心,可以提名陪跑已經好開心。自己會集中火力喺『最受歡迎電視女角色』同『女配』,總之有獎攞都開心,好鍾意《換命真相》角色,拍嗰陣冇諗過咁大回響,始終同《反黑路人甲》角色好唔同,估唔到咁多人談論。不過,自會比較期待出年播嘅《雙生陌生人》。」
視帝方面她希望譚俊彥攞獎:「因為佢做過我哥哥,希望可以同佢一齊攞獎。」視后則看好李佳芯(Ali)及黃智雯(Mandy),她說:「Ali曾經攞過視后,所以我揀Mandy,佢都係實力派,Mandy都係時候攞呢個獎,呢個獎都要配合天時、地利、人和。」