陳瀅一出關趕見周嘉洛　零距離攬住合照勁冤氣

宅男女神陳瀅早前由加拿大返港，近日終於完成酒店隔離，坐完「疫監」出關後，佢竟然第一時間見緋聞男友周嘉洛，認真冤氣！其實佢係約咗劇集《痞子殿下》嘅一班好友，包括周嘉洛、朱敏瀚及JW（王灝兒）相敍，四人齊齊去到沙灘吹海風兼睇日落，老友鬼鬼嘅佢哋更身貼身擁作一團大合照，完全零距離接觸，相當親密！而上月32歲生日嘅陳瀅，亦獲眾人一早準備生日蛋糕補祝，陳瀅都非常滿意，於社交網大晒靚相，並留言貼上心心表情符號。