楊詩敏收藏郭富城閃咭　Eric Kwok：呢箱係鹹書！

歌手郭偉亮（Eric）及藝人黃芳雯（Paula）主持的香港開電視節目《星宅大曝光》，其中一集走到楊詩敏（蝦頭）位於清水灣的村屋住所取景，蝦頭表示對村屋情有獨鍾，原因可以養寵物，亦可以享受大自然，與媽媽同住700呎村屋。她表示：「同屋企人住，係超級大嘅學習，因為我18歲已經搬出去住，去啲男朋友屋企同居，避開家人，可能以前細個唔識點同家人相處。直至兩年幾前，機緣巧合地想照顧媽媽，初時感覺『呢舖大劑』，不過住落之後一啲事都冇，原來佢都好體恤、好開放咁面對。」

與媽媽同住亦學會斷捨離及收納方法，把所有雜物收納在膠盒，盒裏不乏記念冊、舊戲飛以及大堆「郭富城閃咭」，蝦頭更表示現階段可以將其中一箱物品進行斷捨離，Eric聞言笑說：「如果你係男仔，我會認為呢箱係鹹書！」被問到他有否儲鹹書習慣？他否認道：「冇，全部都係借番嚟！細個冇鹹書，全部都係睇我爹哋嗰啲，男仔好少儲呢啲嘢，通常借人。」