梁諾妍宣布佗B女 洪永城執定走佬袋

2021年11月25日 20:05
東網電視
更多新聞短片
藝人洪永城(Tony)老婆梁諾妍(Inez)今晚(25日)腹大便便現身銅鑼灣活動,同場還有男子組合C AllStar成員等,而陪着Inez身邊的不是老公,而是同門師弟吳若希的嫩口胞弟現年18歲的吳梓楓(Carson)。早前Inez舉行Baby Shower,對腹中BB性別仍然玩神秘,她笑言當日她與Tony都着粉紅色已經好明顯,她並正式宣布今胎佗女,現已9個月身孕,預產期在聖誕節正日,腹中BB花名叫「洪寶寶」,她說:「有諗過洪蘿蔔和洪卜卜,最後都係叫洪寶寶,英文名未肯定,中文名待出世後等師傅再改。之前冇特別講佗仔定女,依家可以分享啦!Tony好有外父相,(再生多幾個女畀佢再做外父?)諗住唔止生一個。」
Inez透露老公有幫手準備走佬袋,執了3大袋,十分誇張。她笑言袋裏面有很多屬於老公個人物品:「佢執咗好多零食,佢自己嘅牙刷和毛巾,預定晒自己嘢。」Inez預期順產,如果BB聖誕出世,講笑戥BB不開心,擔心以後只有聖誕禮物,沒有生日禮物。自爆近日才到醫院上育嬰班,學習替BB沖涼和換尿片,笑言老公雞手鴨腳,她說:「希望佢幫唔到,都唔好搞亂檔,好彩媽咪住喺隔籬,最希望Tony可以幫手餵夜奶。」Carson即請纓「夜奶搞唔掂call我。」