吳業坤抱貓實測逃命　恥笑羅天宇好蠢

無綫台慶劇《十月初五的月光》現正熱播，其中「禮信」羅天宇被困火場，獲「文初」胡鴻鈞（Hubert）勇救一幕相當驚險，睇到觀眾咬牙切齒。原來Hubert好友歌手吳業坤都有追看呢一幕，不過就「錯重點」取笑「禮信」太蠢險喪命，事關劇中羅天宇不斷撞門都撞唔開，點知Hubert在外一推就成功開門。吳業坤更親自拍片實測，見佢抱住愛貓模擬喺睡房被困，當佢撞咗兩吓門之後，就靈機一觸，拉開門上手把成功開門，仲笑指：「在危險時保持冷靜的重要性，拉門對拉門，推門對推門！」相當搞笑。