珠寶商拒贊助　拉丁女神莎瑪希爾被當二打六

漫威超級英雄片《永恆族》（Eternals）女星兼拉丁性感女神莎瑪希爾（Salma Hayek），出道初期因為名氣不足，行紅地氈時也沒有珠寶商肯借出首飾給她。莎瑪出席1998年的《MTV音樂錄影帶頒獎禮》時，便以創意搭救，在頸部、胸部與手臂用印水紙印上蝴蝶圖案，作為點綴！

她多年後受訪時表示：「我當時只有一件好簡單嘅黑裙，我知道其他女仔都有好華麗嘅裙同好靚嘅首飾。我話你知，我冇因為咁而自卑，喺度怨自己冇靚衫或者其他人唔識我，我只係同自己講，我好靚。我喺自己身上加咗啲蝴蝶印水紙，我為自己覺得開心。創意就係一切。」