若要人似我︱楊千嬅被揭有「分身」喺日本 唯一靠呢樣嘢分辨

2021年11月26日 10:02
東網電視
更多新聞短片
有句說話叫「若要人似我除非兩個我」,除了孖生外,原來世界上真係可以搵到同自己相似嘅人,近日有網友發現,楊千嬅日本有另一分身涉足日本樂壇,呢位「日版千嬅」同「港版千嬅」,撞樣程度直達99%,唔知真係以為千嬅彈緊結他兼唱緊R&B。
「香港千嬅」集影后同歌后一身,呢位「日本千嬅」就冇涉足影壇,不過來頭都唔嘢小,據網站介紹,静澤真紀11歲時自學結他,鍾情藍調音樂,曾在女子樂隊「STORMY」擔任結他手,亦是樂隊FRIDGE成員,平時仲有拍片上網教結他,除咗冇咗個紫色頭髮外,可以講話係一模一樣,唔知兩人有冇諗住碰面嚟個「世紀大合唱」呢?