被鬧新髮型醜 江嘉敏爆Seed:咁叻你幫我P

2021年11月26日 11:01
東網電視
更多新聞短片
無綫小花江嘉敏最近為新劇《四十二章經》「變髮」,剪走一頭長髮,短到貼耳仔,雖然清爽造型相當男仔頭,但用心打扮一樣可以散發女人味。呢日佢就晒出工作近照,見佢以黑色連身短裙仔上陣晒美腿,心口位置更開窿騷出事業線,加埋嫵媚眼神,感覺性感。
其中一張佢同化妝師及髮型師嘅合照,佢更搞笑咁將兩位好友P肥。不過有網民似乎仲未習慣其新髮,甚至有人以簡體字留言直踩:「P圖都咁醜髮型,真係要換個髮型師了」,即觸動江嘉敏神經,罕有以簡體字留言回覆:「你咁叻,你幫吓我P靚個髮佢啦,我唔識P」,寸爆反擊。另有網民笑指其短髮樣似足電影《長江七號》嘅徐嬌,佢就表示:「 哈哈,有其他人講。」