懶理被插虎背熊腰　歐陽娜娜晒照靚相咪咪脹卜卜

台灣女星歐陽娜娜早前因為一襲Tube Dress大露背晚裝見人，被指驚現虎背熊腰，但係佢自己擺出嚟嘅相就繼續纖瘦又修長，令網友話佢係照騙。不過人氣一向高嘅佢，就懶理大家點講，照樣將「特別處理過」嘅靚相放上網，今次佢更加一口氣Upload咗18張聲稱係菲林相嘅寫真，當中就有上次佢「出事」嗰條Tube Dress，不過佢就加強Focus落忽然「長大」嘅一對咪咪上面，今輯相更見脹卜卜，加上角度專攻高炒位，睇嚟佢依家想轉行大個女路線，唔要再扮文青喇。