開P慶繼女16歲生日　章子怡一個舉動獲讚有心思

內地女星章子怡同汪峰結婚後，一直對老公同前女友葛薈婕所生嘅女兒汪曼熙（小蘋果）視如己出，感情相當之好，早前仲做「最強後盾」助女兒出歌進軍樂壇圓演藝夢！尋日（25日）係小蘋果16歲生日，章子怡同家人喺屋企舉行生日會為女兒慶祝，章子怡仲喺尋晚11點25分（代表小蘋果11月25日生日）於社交網出Post，獲網民大讚好有心思！

佢留言：「我們的大女兒16歲了！Sweet16，花季少女啦，希望你永遠貌如花般美麗，生如花般燦爛！心中永存感恩與善念，平安、快樂，生日快樂寶貝！」並上載佢同老公汪鋒及女兒「醒醒」與小蘋果嘅合照，同埋小蘋果嘅慶生靚相，睇到着上黑色緊身上衣嘅小蘋果長得亭亭玉立，外貌標致，網民讚佢愈大愈似台灣女星陳妍希呀！