時空結界︱驚傳范冰冰南京產子　2019年已經傳過？

現年40歲嘅內地女星范冰冰最近被內地名導好友李玉踢爆，指二人好快就有合作，不過今日（26日）竟然盛傳佢喺南京婦幼醫院產下1子，消息嚟自網友通訊平台交友圈傳出，指范冰冰今日早上9點57分誕下1名男嬰，網友更稱係南京婦幼醫院嘅朋友告知消息，而BB老竇更加唔係前男友李晨，有傳係南京購物中心老總，目前相關人士都未出面回應傳聞。其實早喺2019年，就已經傳過范冰冰喺同一間醫院產子，不過當時南京婦幼醫院即刻發文闢謠，加上上星期三（17日）范冰冰曾公開現身撐細佬范丞丞新片記招，令網友質疑今次傳聞嘅可信性。