「港普教父」又嚟料!黎諾懿報天氣考起網民

2021年11月26日 13:01
東網電視
更多新聞短片
講到新一代「港普」達人就肯定要數黎諾懿啦,佢憑住唔純正,但又帶點自信嘅普通話,令佢人氣急升,佢喺2019年拍節目《如果這樣生活》嗰陣,用港普介紹雲南,令人笑爆嘴,簡直係挑戰觀眾嘅聽力,因而被網民封為港普教父!
近日佢又再「獻技」,用佢好自信嘅港普同大家報天氣,佢除咗講到普通話好似講廣東話咁之外,當中仲有唔少詞語都令網民完全聽唔明,就好似氣溫「跳崖式殺光」,其實佢係想講「跳崖式下降」,而「今天30刀,明天睡醒起來雄班,就變成15刀」,應該係「今天30度,明天睡醒起來上班,就變成15度」,唔少網民都話畀佢考起,「港普教父」果然唔係浪得虛名,有網民就話好在有字幕,唔係真係聽唔明佢講乜!