劉詩詩十年前古裝照曝光　仙氣射網友：唔好再拍時裝劇

內地女星劉詩詩長年攻佔古裝女神頭幾名，即使2015年拉埋天窗後開始減產後，到依家都仲係大家心目中嘅經典女神，不過佢亦因為近年半冇出產，最近搞到畀網友鬧佢冇事業心，要佢快啲再拍劇搶收視。雖然未見佢有入劇組嘅動向，不過今日（26日）就有兩張佢10年前拍古裝時嘅定妝照流出，即時驚艷眾網友，皆因佢喺相中靈氣迫人，眼大大Cute到爆，加上長髮造型滲出仙氣，呢個「下凡Look」真係迷到唔少人，網友仲留言叫佢記得接多啲古裝劇，等大家可以一飽眼福。