李蘊終於同鄧紫棋何超蓮合體：還是一樣愛你們！

藝人李蘊同鄧紫棋（G.E.M.）、賭王千金何超蓮情同姊妹，但係近年佢哋都各有各忙，三姊妹好耐冇合體啦！李蘊同老公婚後逐漸退出幕前，定居廣州過幸福少奶奶嘅生活，早前G.E.M.去廣州開工嗰陣，終於有時間去探吓佢，仲嚟個「愛的抱抱」搞到當時冇份去嘅何超蓮呷醋添！

不過有心見就總會再見，尋日（25日）李蘊喺社交網大晒佢哋三姊妹嘅合照留言：「呆萌三小隻終於終於聚頭啦，無論多久不見，還是一樣愛你們啦！」證明佢哋姊姊情就算幾耐冇見都一樣，係唔會變嘅！而網民對於佢哋久違嘅重逢，都話好開心、仲問佢哋「上次聚是多久了」？