王祖藍晒全家福慶李亞男生日 囡囡食相搶鏡!

2021年11月26日 15:01
東網電視
更多新聞短片
無綫首席創意官王祖藍係出名嘅「愛妻號」,佢同老婆李亞男嘅「長短腳之戀」向來恩愛,婚後仲生咗兩個可愛嘅囡囡,一家四口幸福美滿!
尋日(25日)係李亞男37歲生日,佢哋一家人去咗食鐵板燒慶祝,祖藍喺社交網上載佢同李亞男抱住囡囡,同拎埋生日蛋糕影嘅全家福,留言:「老婆,生日快樂!」而李亞男之後亦有喺自己社交網回應祖藍話:「Feeling blessed(感到幸福)!」兩公婆嘅隔空互動真係閃爆網民!而李亞男仲有大晒一家人去食鐵板燒嘅片,睇到兩個囡囡都好乖咁坐定定食嘢,食相相當可愛,唔少網民都話畀佢哋溶化呀!