攞10年金牌︱張振朗望躋身視帝五強

2021年11月26日 16:02
東網電視
更多新聞短片
今年有機會角逐視帝的張振朗,今日(26日)取得服務無綫10年金牌。他受訪時表示:「好開心,10年好似過得好快,自己亦都經歷咗好多,感恩自己揀咗鍾意嘅行業,就係成為一個演員。咁多年來觀眾好似陪住我一齊成長咁,睇住我當初扮張智霖同黃宗澤,直到依家喺《拳王》有比較突破嘅演出。」
談到日前《拳》劇首播,扮演其兄長的譚俊彥離世一幕,他爆喊時淚水大滴落下,振朗表示:「我份人比較感性,入行拍喊戲一直都唔用眼藥水。嗰場戲我行入去停屍間見到大佬瞓咗喺度已忍唔住,多謝譚俊彥即使鏡頭影唔到佢,仍然瞓喺度幫我入戲!」
雖然未知本屆視帝勝算如何,振朗拿着10年金牌,笑言自己已經「有獎」,但直言希望最終能夠躋身「五強」。當問到下一步是否希望日後有人扮張振朗,他笑答:「都幾得意喎,不過我擔心如果有人扮我,我會冇得撈呀!」