王祖藍分享帶貨實戰經驗：最多賣咗6千幾萬！

無綫首席創意官王祖藍在上環出席《識貨2直播營銷學堂》啟動儀式。祖藍3年前已經開始做直播「帶貨」，故會親身分享實戰經驗，他說：「我做嗰陣冇乜藝人做，依家就冇乜藝人唔做。（你嘅帶貨紀錄係幾多？）OK啦，比較多嘅一次係上年疫情，幫武漢義賣當地嘅產品，賣咗6,000幾萬。（唔再帶貨？）返咗嚟公司嘛，所以咪要訓練番啲人，補番條數，好似細細粒（陳嘉佳）咁最近賣大閘蟹賣咗350萬、牛扒賣550萬，佢係走吃播嘅路線。（賺好多可以買樓？）就嚟㗎喇，我都叫佢唔好咁大使，買層樓畀屋企人，做個好榜樣。」他指近期忙於籌備與內地合作的歌唱節目《聲生不息》，透露將會大玩香港音樂元素。

他又講到為老婆李亞男慶生：「送咗一晚畀佢，不過，結果都要分開房瞓，因為佢要陪個女瞓，我就唯有獨守空房，唯有遲啲Staycation補番。」