同菊梓喬唔啱Key!吳若希撐Gin Lee拎最受歡迎女歌星

2021年11月26日 18:02
東網電視
更多新聞短片
歌手吳若希(Jinny)今日(26日)為電台問答節目《知情識趣31》錄影,受訪時自爆被大女傳染患重感冒,幸好病情有開始好轉。問到有信心答問題?她自嘲自己冇乜智慧,但勝在有「考試命」:「考試係叻嘅,特別係選擇性,我會用排除法,細佬依家中六我都係咁教佢。」
講到一對仔女,她直認明年將會是個大挑戰,因為大女要報考小學:「出年嘅願望係想留多啲喺屋企。(唔係唱多啲歌?)同公司Deal好係2首起、3首止,多就搞唔掂,出年真係緊要嘅1年,今年都花咗好多時間喺拍劇,亦好大變化,除咗係公司架構,歌曲創作上都參與咗好多,最近努力宣傳新歌《火和火柴》。」
而問到是否冇心爭奪女歌手獎?Jinny指自無綫跟四大唱片公司破冰後,今年《勁歌》睇好唱得之人Gin Lee(李幸倪)攞「最受歡迎女歌星」,並非曾3奪殊榮的「死敵」Hana(菊梓喬):「Gin Lee今年又同歌神張學友合作,我都想同心目中嘅偶像Stephy(鄧麗欣)合作!」續自爆入行初期曾向公司提議跟Hana合作,對女女合唱感興趣,但最後不了了之:「之後有上節目合唱過,發覺我同佢唔同Key,佢中低音、我就中高音,我哋真係唔啱Key!」