深宮計Re-U︱邀請上問答節目 馬浚偉吼準劉心悠夠「蠢」

2021年11月26日 18:02
東網電視
更多新聞短片
藝人馬浚偉今日(26日)為主持及主創節目《知情識趣31》錄影,邀請好友劉心悠、吳若希、林奕匡及梅小青率先試玩「名人問答挑戰賽」及賽後劍球比試,馬浚偉笑言跟心悠及梅小青是《宮心計2深宮計》舊Partner,今次可以順便Re-U。
受訪時馬浚偉抵死笑話第一個諗起的嘉賓便是心悠,因為知道對方一定會答錯題目,寧舍有節目效果:「但佢嘅廣東話係進步咗好多,我哋嗰啲都係超低B題目嚟嘅!」問到心悠可有信心答問題?她自嘲:「我唔介意畀人覺得我好蠢!唔識就要認唔識,但如果係超低B題目應該仲難。(咩範疇你在行?)普通話或者動物題,最近有養鸚鵡。」
馬浚偉又指其實節目對象是一班中學生,只是先有名人版做示範:「啲題目唔會太難,唔係話要考佢哋,讀書已經大壓力,想中學生嚟輕鬆玩,唔求輸同贏。」心悠接謂如果求學時期有不求高分心態,就可能會有更好成績:「中學讀數學係最大心理壓力,真係試過拎0分,到依家數學都唔好!」笑問現時傾酬勞可有出錯?她自爆未有經理人之前成日計錯數,更試過被騙蝕錢:「睇少個零、簽錯支票都有!(涉及幾多位數字?)咁又唔係好大鑊嘅!」
另外,講到無綫翻拍「神劇」《十月初五的月光》,舊版飾演司徒禮信的馬浚偉坦言,工作繁忙冇時間睇新劇,但講到有網民將新、舊版對比,他就直言冇必要:「何必畀新人壓力?年代唔同、劇本又唔同,畀嘅機會新人,冇比較冇傷害,用心演就得。」