譚詠麟捲桃色風波︱張崇基張崇德力撐：佢係有份量嘅人

歌手張崇基與張崇德出席《張崇基、張崇德2021最後的基會難德演唱會》記者會，宣布下月31至明年1月1日舉行一連兩場跨年演唱會，細佬崇德透露獲得跨年檔期完全無心插柳，皆因哥哥崇基去年已返加拿大陪仔讀書，幸最終一切成事，由於已第10次舉行演唱會，故身兼監製及總監的他，望今次演出能劃上一個完美句號。

崇基表示兄弟檔對上一次舉行演唱會已是3年前，故今次會份外珍惜，問到屆時可會邀請嘉賓？他說：「唔一定有，依家仲設計緊個流程。（屋企人飛返香港捧場？）會，太太同個仔都返咗嚟，依家隔離緊，個仔依家9歲，自佢懂事以來都有睇我哋演出，不過完咗演唱會就一齊走，因為佢要返學。」

談到譚詠麟（阿倫）近日捲入桃色風波，崇基、崇德表示也有留意新聞，指網民上載的照片只得背面，更力撐前輩阿倫：「咁啲衫好多時都可以一樣，我哋撐校長，佢好照顧後輩，呢啲新聞網絡成日出現，佢係有份量嘅人，用佢個名自然吸引好多人睇，唔係個個都咁有號召力。」