全民造星IV︱天籟之音ASH被淘汰 網民嗌罷睇

2021年11月26日 21:01
東網電視
更多新聞短片
ViuTV選秀節目《全民造星IV》進行得如火如荼,在前晚(24號)一集中被讚似Angelababy兼擁有天籟之音的81號Ash(鍾卓穎)慘被淘汰,令人大感意外。該集中由於隊B2不敵許廷鏗A4隊,需要淘汰一名隊員,結果評判揀了Ash,導師梁祖堯自言Ash是他最想留低的人:「我唔明,佢哋Foul錯人。」就連花姐、女團經理人Wing都覺得詫異,網友亦紛紛在網上留言表達不滿及戥Ash不值,甚至有人揚言嬲到要罷睇。
Ash本職是新生嬰兒深切治部護士,她在首輪面試時已被花姐及Wing睇好,花姐看過其表演直言我鍾意佢。梁祖堯就讚她唱歌似天使,如天籟之音。備受網友喜歡的她早前被人肉起底,發現她去年已結婚,是人妻一名,令網民幻想破滅。而在昨晚(25號)一集中,就輪到許廷鏗的A2組落敗,要在6名成員Elak、阿蛋、阿Yo、Tania、Day及Mei Mei中淘汰一人,最後是14號的Elka(鄭芷淇)被Foul走。
已被淘汰的16歲黃敏蕎(阿妹),將參與譚仔三哥《Chill & Chilli》手作市集暨音樂會,一連兩日音樂會,每日有8組音樂單位作Busking表演,有重量級嘉賓樂隊Dear Jane和人氣歌手張天賦(MC)出席,同場還有曾參與《全民造星II 》的Zelos(黃凱逸)、Hugo(丘凱雄)、Alfred( 胡學軒)、June(梁瑞峰)、男子樂隊Copak及地下女歌手Gwenji鈞之參與表演。
阿妹黃敏蕎則會現身第二日音樂會,同場則有KOL麗英、波仔(Boris)、Emiko(徐嘉蔚)以及Sinnie(吳倩怡)等。因《全》受到網民追捧的「阿妹」黃敏蕎、文青系靚聲Emiko以及Sinnie,她們雖在選秀節目旅程終結,但有機會再延續她們的音樂夢,被指擁有女團條件的阿妹將作首度公開演出,她說:「落選咗,失望一定有,講真心裏的確失落咗一陣,網民討論區嘅留言我都一一有留意,好感激佢哋嘅支持,離開咗選秀舞台,唔能夠再追逐夢想,但今次有得參加呢個Busking,有機會畀我同支持者真正面對面,畀我親身多謝佢哋嘅持,唱歌畀佢哋聽,可以繼續有平台尋找自己嘅夢想。」
另一個落選者Emiko同樣被淘汰,但她覺得過程係人生的好好體驗:「我好鍾意唱歌,好鍾意原創歌,我嘅唱歌夢唔會碎,我唔會灰心。」Sinnie指很多愛唱歌的年輕人須要一個平台去Busking,凝聚一起可以令聲音大一點,希望多一些人可以認識他們這班愛表演的年輕人。