最誇身高差　黃宗澤糖妹身高竟然相差兩個頭

藝人黃宗澤（Bosco）早排忙為新劇《法證先鋒V》開工，長時間留喺香港，自然見Friend機會都會大啲，曾同佢合作劇集《幕後玩家》嘅糖妹就係其中一個。尋日（26日）Bosco就上載咗兩張二人合照，一睇張相就知唔簡單，因為二人企埋一齊竟然相差2個頭嘅身高差，雖然話男女有身高差做情侶最合拍，但係見佢哋呢個差別，反而場面搞笑，似足巨人同哈比人合照，搞到糖妹就即刻留言：「喂呀大佬?????」似乎佢自己都不滿張相被公開啵，更引得網友競猜佢兩個嘅真實身高到底係幾多添。