仲伏過遮遮!張敬軒晒媽媽炮製「石屎」早餐

20211127
東網電視
更多新聞短片
歌手張敬軒(軒仔)不時喺社交網晒家傭「遮遮」,為佢炮製嘅「伏味早餐」,惹網民爆笑!而最近軒仔媽媽嚟咗香港同佢住,佢諗住之後可以「有啖好食」,佢話:「媽媽係我早餐關注組召集人,成日都問我早餐食乜。到埗第一日,更揚言要我過番啲正常生活……我冇異議,呢一切其實都係我日常嘅正常。」但係正所謂天有不測風雲,佢話都估唔到:「一舊風雲過後,原來仲有另外一舊。」
佢今日(27日)喺社交網留言:「一遮還有遮高!」並上載佢影低今日早餐食啲乜嘅片,睇到佢個碗入面有一Pat灰色嘢,都唔知係咩嚟嘅,十足「石屎」一樣,佢話:「呢兜好似石屎咁嘅嘢係我今朝嘅早餐!本期介紹 #張公館特製」仲搞笑話:「查實我條命係咪五行缺飯!」網民見到佢呢個「石屎早餐」都嗌佢不如唔好食,仲問「係唔係用嚟裝修㗎?」,有網民就提議佢「不如搵番遮遮煮算!」而有網民仲話「不如你請我做姐姐啦!」